Dr vorderi und hinderi Wiissäbodä liit sunnähalb uf ärä Heechi zwischet 1600 und 1800 Meter underhalb vu dr Chinzig Chulm. Anächo tüät mä uf Bärgschtraassä oder mit em Säilbähntli Biel-Kinzig.
Dr vorderi Wiissäbodä isch ds ganzi Jahr bewirtschaftet. Dr Schtrom üs dr äiggnigä Solaralaag wird fir d Produkzion vum Chääs prüücht. Uf em hinderä Wiissäbodä schaffet d Älplerfamili nach Bio-Vorschriftä.
Uf em hinderä Wiissäbodä wird dr Chääs bis gägä zwäi Jahr anä glaageret. I chliinä Mängenä wird äü Raclettechääs, Bratchääs und Ankä produziärt. Uf em vorderä Wiissäbodä wird halb- und vollfettä Alpchääs gmacht.
«Uf em Wiissäbodä häiget s d Sännä mit ämä Titti äso verruckt triibä, bis äs läbigs wordä sig und d Sännä gheerig duränander praacht häig. As Sännätuntschi gäischteret äs nu hit i dr Film- und Theaterwält umä.»
Ürner Sagäwält